اقسى قصيدة حب...
لاجيت ابنسى واتراجع واسامحك
صاحن جروحي واشتكن لي طعونك
كلك خيانه قول وشلون ابمنحك
وش موقفك من شخص دايم يخونك
أكبر خطأ لو جيت يمك أصالحك
أول تحول لاتغرك لحونك
اللي تقوله صح لو كنت جارحك
مير انت عارف للاسف في ظنونك
وصفك نسيته بس باقي ملامحك
بنهيك وانهي بالنهايه حنونك
ماتستحق امد كفي وأصافحك
مثلك غلطة عمري وابحيا بدونك
لعبت دورك شاهدات مسارحك
خدعتني واظهرت خافي فنونك
كنت اعتقد قلبي هو ابرز مطامحك
اللي يبيع الناس لجله يصونك
تعبت أسوق الشوق عندك وأصارحك
أخلصت لك بالحب شوفة عيونك
لكن خساره صرت غاية مصالحك
ياليتني ماجيت لحظه بكونك
بالأمس كنت بنشوة الحب أمازحك
أخيل برقك واتحرى امزونك
واليوم من صفحة حياتي ابمسحك
هديت صرحك ثم طاحت أركونك
ولابي عيوني لو تصورت تلمحك
أعلنت موتك وانسجن لي كفونك
وان جيت تطلب ترتجيني أسامحك
بهديك طعنه من بقايا طعونك
اعجبني ونقلته..@
تحياتي..
موضوع: أقسى قصيدة حب 
الثلاثاء أكتوبر 07, 2008 3:12 pm
